- 363 -

1396. Mai 14. Prag.

Intercessionsschreiben König Wenzels von Böhmen für die Liegnitzer.

Santissime pater et domine reverendissime, requirentibus virtutum atque probitatis meritis ac fidelibus obsequiosis servicijs ciuium opidi Legnicensis Wratisl. dioc. nostrorum fidelium dilectorum, quibus ipsi a longis retroactis temporibus dive memorie domino Karolo, nostro genitori carissimo ac nostre maiestati, multa frequencia et indefesse sollicitudinis studio placuisse dinoscuntur et placent, eosdem v. s. tanto ardenciori studio commendare decrevimus, quanto idipsum dictorum fidelia ciuium obsequia prestancius meruerunt, quocirca. s. v. attento studio et humiliter supplicamus, quatenus prefatos ciues nostre intercessionis intuitu habere dignemini graciosius recommissos, ipsosque, in eorum desiderijs iuxta supplicacionem presentibus interclusam de solita vestre benignitatis clemencia exaudire et admittere dignemini graciose, eandemque supplicacionem beata v. s. manu consignare. In eo nostre maiestati graciam ousuri (sic) specialem, personam vestram sanctissimam conservare dignetur altissimus sanam et incolumem cum dierum felicitate longeva regimini ecclesie sue sancte. Datum Prage, dominica die post ascensionem domini, regnorum meorum anno Bohemie XXXIII°, Romanorum vero vicesimo.
v. s. Devotus filius Wenceslaus dei gracia Romanorum Rex, semper Augustus et Boemie Rex.
Ad mandatum domini Regis Albertus Romanorum Regis Cancellarius.

Auf einliegendem Pergamentstreifen: Supplicant s. v. douoti viri, magister civium, consules, totaque vniuersitas opidi Legnicensis, Wratisl. dioc., quatenus ob salutem animarum procurandam eisdem facere dignemini graciam specialem, ut clerus opidi prefati in ipsorum ecclesijs et cappellis in dictorum magistri ciuium, consulum, uniuersitatis aut singularum personarum presencia, excommunicatis et interdictis de prefato opido exclusis et expulsis, post ipsorum excommunicatorum de eodem loco recessum, diuina officia per se celebrare et publice solemniter et alta voce pulsatis campanis ac janujs apertis ac eis aut eorum cuilibet ecclesiastica sacra ministrare et, corpora mortuorum in eorum cimiterijs sepylire aut per alios sacerdotes ydoneos diuina officia celebrari et huiusmodi sacramenta ministrare ac corpora mortuorum sepeliri libere et licite valeat atque possit, vestra dignetur S. in premissis prefatos, magistrum ciuium, consules et uniuersitatem nostram exaudire.

O. d. St. L. No. 182.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866